هاجم عبدالمنعم إمام، رئيس حزب العدل ، الحكومة في الجلسة العامة لمجلس النواب، اليوم الإثنين، لمناقشة مشروع قانون الإيجار القديم
وقال النائب خلال كلمته: “أنا عايز أكلم الحكومة عن الحلاقين، كرسي الوزارة عامل زي كرسي الحلاق لازم هيجيلك يوم ويقولك نعيمًا، واللي عليه الدور يتفضل.. السيرة الطيبة هي اللي باقية والعمل الصالح هو اللي باقي”.
وفي بداية كلمته، قال: “أنا صاحب مصلحة شخصية لامتلاكي عقارات مؤجرة بالنظام القديم، مشيرًا إلى أن الإفصاح تطبيقًا للمبادئ البرلمانية المستقرة واللائحة الداخلية”.
وتابع عضو مجلس النواب: ‘إن كنا للعدل طالبين فالرحمة قبل العدل مبغية”، قائلا: “أنا مالك عندنا مكان إيجار قديم جدي ووالدي أجروا الشقق وعارفين وقالوا لنا إنها ستورث”.
وأردف: “الحاج محمود اللي أجر مننا سنة 1990 راجل موظف محترم، طلع معاش عمره 73 سنة، يطلع بعد 7 سنين بموجب المشروع ده، مش كل الورثة، زيي أنا كده بقوله تموت قبل السبع سنين”.
وتساءل رئيس حزب العدل : “أي حد في مدينة المحلة الكبرى أو مدينة مثل بورسعيد أوغيرها من المدن ليس لها ظهير صحراوي الناس تروح فين؟، متابعا: هل هتبعتهم مدن تانية، هتوديهم الصحرا؟.
واستطرد إمام: “هذا القانون في ذكرى 30 يونيو بدل ما نصحح خطأ تاريخي نعمل عقاب اجتماعي تموتوا قبل السبع سنين أو تطردوا في الشارع”.
وتابع إمام: “اللي بيحصل ده غلط محتاج وقفة بنولع في الناس نقولهم احنا مش معاكم ونقول لكبار السن إن المجلس ده اللي طلع قانون المسنين والحكومة ما طلعتش لائحته، كفاية عليكم كده”.
#حزب_العدل#صوت_الطبقة_المتوسطة#العدل_هو_الأمل
